ଗୋପାଳପୁର: ଗୋଳନ୍ଥରା ଥାନା ଅନ୍ତର୍ଗତ ରଣ୍ଢା ହରିଜନ ବସ୍ତିର ସ୍ୱର୍ଗତ ମାଗି ଦାସଙ୍କ ପୁଅ ମିଟୁ ଦାସ ହାଇଦ୍ରାବାଦରେ କାମ କରୁଥିଲେ । ଗତ ଦୁଇଦିନ ପୂର୍ବେ କୋୖଣସି କାରଣରୁ ମିଟୁଙ୍କ ମୃତ୍ୟୁ ହୋଇଥିଲା । ସେଠାରୁ ମୃତ ମିଟୁର ଶବକୁ ଆଣିବା ପାଇଁ ପରିବାରବର୍ଗଙ୍କ ପାଇଁ ସମ୍ଭବପର ନଥିଲା । ମିଟୁଙ୍କ ମୃତ ଦେହ ଆଣିବା ପାଇଁ ରଣ୍ଢା ସରପଞ୍ଚ ଅଜିତ ରାଉଳଙ୍କୁ ଏବିଷୟରେ ଅବଗତ କରିଥିଲେ । ପରିବାର ଲୋକଙ୍କ ଠାରୁ ଶୁଣିବ ମାତ୍ରେ ହିଁ ସରପଞ୍ଚ ଅଜିତ ରାଉଳ ନିଜସ୍ଵ ଉଦ୍ୟମ ଏବଂ ପ୍ରଚେଷ୍ଟାରେ ଏକ ଆମ୍ବୁଲାନ୍ସ ଯୋଗେ ହାଇଦ୍ରାବାଦରୁ ମିଟୁର ଶବକୁ ନିଜ ଜନ୍ମମାଟିକୁ ଆଣିବାର ବ୍ୟବସ୍ଥା କରିଥିଲେ । ଆଜି ଆମ୍ବୁଲାନ୍ସ ଯୋଗେ ମିଟୁଙ୍କ ମୃତ ଦେହ ଜନ୍ମମାଟିରେ ପହଞ୍ଚିଥିଲା । ପରେ ସରପଞ୍ଚ ସେଠାକୁ ଯାଇ ମିଟୁର ପରିବାର ବର୍ଗଙ୍କୁ ସମବେଦନା ଜଣାଇବା ସହ ଅମର ଆତ୍ମାର ସଦଗତି କାମନା କରିଥିଲେ ।
