ବ୍ରହ୍ମପୁର,୧୫/୨/୨୪: ଓଡ଼ିଶାରେ ରେଡ୍ଡୀ ଜାତିକୁ ଓବିସିରେ ସାମିଲ କରିବା ଦାବି ନେଇ ଆସନ୍ତା ୧୮ ତାରିଖରେ ସ୍ଥାନୀୟ ଆମ୍ବପୁଆ ବିବେକ ବିହାର ପଡ଼ିଆରେ  ଓଡିଶା ରାଜ୍ୟ ରେଡ୍ଡୀ ସଙ୍ଘମ୍ ପକ୍ଷରୁ ରାଜ୍ୟ ସ୍ତରୀୟ ସମ୍ମିଳନୀ ଅନୁଷ୍ଠିତ ହେବ । ଏଥିରେ ଗଞ୍ଜାମ ,ପୁରୀ ଓ ଖୋର୍ଦ୍ଧା ଜିଲ୍ଲାର ପ୍ରାୟ ୪ ହଜାର ରୁ ୫ ହଜାର ଲୋକେ ତଥା ଗ୍ରାମ୍ୟ କମିଟି, ତାଲୁକା କମିଟି, ଜୋନ କମିଟି ଓ ଜିଲ୍ଲା କମିଟି ସମେତ ରେଡ୍ଡୀ ସଙ୍ଘମ୍ ଲୋକେ ଯୋଗ ଦେଇ ଏହି ସମ୍ମିଳନୀକୁ ସଫଳ କରିବାକୁ କୁହାଯାଇଛି । ଏଥିରେ ଓଡିଶା ରାଜ୍ୟ ରେଡ୍ଡୀ ସଙ୍ଘମ୍ ସଭାପତି ସିଏଚ ଦିଲେଶ୍ୱର ରେଡ୍ଡୀ, ଛତ୍ରପୁର ଜୋନ ସଭାପତି ଏସ ବୈରାଗୀ ରେଡ୍ଡୀ, ଆସିକା ଜୋନ ସଭାପତି ଆର ଭାଗିରଥି ରେଡ୍ଡୀ ଓ ଦିଗପହଣ୍ଡି ଜୋନ ସଭାପତି ଏମ୍ ନିରଞ୍ଜନ ରେଡ୍ଡୀ ଯୋଗ ଦେବେ ବୋଲି ଜଣାପଡ଼ିଛି ।